თელავის ისტორიულ მუზეუმში გაიმართა წიგნი-კატალოგის – „თელავის ისტორიულ მუზეუმში დაცული უცხოური მონეტები“ – პრეზენტაცია

თელავის ისტორიულ მუზეუმში გაიმართა წიგნი-კატალოგის – „თელავის ისტორიულ მუზეუმში დაცული უცხოური მონეტები“ – პრეზენტაცია.

გამოცემა შექმნილია მუზეუმის ფონდის მთავარი მცველის, მარინა ოხანაშვილის ინიციატივითა და მუზეუმის სრული მხარდაჭერით.

ავტორი – გიორგი მწყერაძე, ისტორიის დოქტორი.

სამეცნიერო რედაქტორი – აკადემიკოსი ნიკო ჯავახიშვილი, ისტორიის მეცნიერებათა დოქტორი და თსუ-ის პროფესორი.

გამომცემლობა – „უნივერსალი“, 2025.

ფოტოები და დიზაინი – გიორგი მწყერაძე.

 კატალოგი მოიცავს მუზეუმში დაცულ უცხოურ მონეტებს ძვ.წ. IV საუკუნიდან ახ.წ. XX საუკუნემდე. 150 ერთეულისაგან შემდგარი მასალა პირველად გამოქვეყნდა და წარმოადგენს კოლექციის პირველ სრულფასოვან კვლევას.

გამოცემა წარმოადგენს მნიშვნელოვან სამეცნიერო რესურსს მუზეუმში დაცული უცხოური ნუმიზმატიკის შესწავლისთვის და მუზეუმის ფონდის პოპულარიზაციისთვის.

პრეზენტაციამ დამსწრე საზოგადოების დიდი მოწონება დაიმსახურა.

თელავის ისტორიული მუზეუმი მადლობას უხდის

– ქალბატონ მარინა ოხანაშვილს ამ მნიშვნელოვანი ინიციატივისთვის. ასევე, წიგნის ავტორს, ბატონ გიორგი მწყერაძეს, და თითოეულ ადამიანს, ვინც თავისი წვლილი შეიტანა კატალოგის გამოცემაში.

კატალოგის შეძენა შესაძლებელია თელავის ისტორიულ მუზეუმში.

დაგვიკავშირდით ტელ:557984111