ჩვენ შესახებ
სიახლეები
პუბლიკაციები
საჯარო ინფორმაცია
კონტაქტი
ევროპული მემკვიდრეობის დღეები თელავის ისტორიულ მუზეუმში!
თელავის ისტორიული მუზეუმი უერთდება სახალხო ინიციატივის უნიკალურ მაგალითს, ევროკავშირის და ევრო საბჭოს ერთობლივ წამოწყებას — „ევროპული მემკვიდრეობის დღეები 2025 “.
„ევროპის მემკვიდრეობის დღეები 2025 “–ს ფარგლებში, თელავის ისტორიული მუზეუმი წლევანდელი თემის — „არქიტექტურული მემკვიდრეობა — ფანჯარა წარსულში, კარები მომავლისკენ“ — შესაბამისად, წარმოდგენთ მთელი კვირის მანძილზე მუზეუმის მიერ დაგეგმილ ღონისძიებებს:
10 დეკემბერი, 15:00 საათი
თელავის ისტორიული მუზეუმის დროებით საგამოფენო სივრცეში გაიხსნება ააიპ თელავის ელენე ახვლედიანის სახელობის სამხატვრო სკოლის მოსწავლეების ნამუშევრების გამოფენა თემაზე „ძველი და ახალი თელავის ხედები“.
11 დეკემბერი, 14:00 საათი
მუზეუმის საკონფერენციო დარბაზში საჯარო სკოლის მოსწავლეები წარმოადგენენ პრეზენტაციებს თემაზე „ქალაქი, რომელიც მემკვიდრეობად გვერგო — თელავი მაშინ და ახლა“.
ღონისძიების მიზანია ახალგაზრდებს უკეთ გააცნოს თელავის კულტურული მემკვიდრეობა, ისტორია და თანამედროვე განვითარება, ხელი შეუწყოს ინტერესის გაღვივებას, კვლევითი უნარების განვითარებას და მუზეუმთან თანამშრომლობას.
12 დეკემბერი, 12:00 საათი
ერეკლე მეორის სასახლის აივანზე გამოიფინება ფოტო-მასალა, რომელიც ასახავს კახეთ-მეფეთა სასახლის ისტორიას — წარსულსა და აწმყოს შორის გზას. ფოტოები გვაჩვენებს კომპლექსის იერს რეაბილიტაციამდე და შემდგომ.
12 დეკემბერი, 14:00 საათი
თემა — „ბატონის ციხის კომპლექსის არქეოლოგიური კვლევა და თელავის ისტორიული მუზეუმის განვითარების პერსპექტივა“ .მომხსენებელი: გიორგი მწყერაძე, ისტორიის დოქტორი. ახალგაზრდებს ექნებათ შესაძლებლობა დაათვალიერონ მიმდინარე არქეოლოგიური გათხრები, გაეცნონ აღმოჩენილ მასალებსა და კვლევის პროცესს.
13 დეკემბერი, 14:00 საათი
საკონფერენციო დარბაზში გაიმართება პრეზენტაცია თემაზე „ძველი და ახალი თელავის არქიტექტურა“. თემას წარმოადგენს თენგიზ სიმაშვილი, ისტორიის დოქტორი და თელავის სახელმწიფო უნივერსიტეტის პროფესორი. მომხსენებელი ისაუბრებს თელავის ქუჩებზე, ძველ კარებებზე, ფასადებსა და ფოტო-მასალაზე.
შემოუერთდით ევროპის მემკვიდრეობის დღეების მრავალფეროვან და მნიშვნელოვნად საგანმანათლებლო პროგრამას თელავის ისტორიულ მუზეუმში!
დასწრება თავისუფალია!