ჩვენ შესახებ
სიახლეები
პუბლიკაციები
საჯარო ინფორმაცია
კონტაქტი
თელავის ისტორიულ მუზეუმში ,,ევროპული მემკვიდრეობის დღეები 2025 “ გრძელდება!
დღეს, თელავის ისტორიულ მუზეუმში, „ევროპული მემკვიდრეობის დღეების 2025 “ ფარგლებში, წლევანდელი თემის - ,,არქიტექტურული მემკვიდრეობა - წარსული ფანჯარაში -კარი მომავლისკენ" - შესაბამისად, თელავის მუნიციპალიტეტის პირველი, მე-6 და მე-7 საჯარო სკოლების მოსწავლეებმა წარმოადგინეს პრეზენტაცია თემაზე ,, „ქალაქი, რომელიც მემკვიდრეობად გვერგო — თელავი მაშინ და ახლა“.
ღონისძიებამ ერთ სივრცეში მოუყარა თავი ახალგაზრდებს, რომლებიც საინტერესო კვლევებითა და საკუთარი ხედვებით მოგვითხრობდნენ ქალაქის ისტორიაზე, კულტურაზე და იმ მემკვიდრეობაზე, რომელიც თაობიდან თაობას გადმოეცემა. მოსწავლეებმა წარმოადგინეს ნამუშევრები, სადაც განსაკუთრებული ყურადღება გამახვილდა თელავის არქიტექტურულ განვითარებაზე, ისტორიულ უბნებზე, თანამედროვე ცვლილებებზე და იმ ღირებულებებზე, რომლებიც ჩვენი ქალაქის იდენტობას ქმნის.
განსაკუთრებული მადლობა გვინდა გადავუხადოთ პედაგოგებსა და მოსწავლეებს მათი ჩართულობისა და მართლაც საინტერესო პრეზენტაციებისთვის. თქვენი შრომა, ერთგულება და სიყვარულით შესრულებული საქმე ქმნის მომავალს, რომელსაც თელავის კულტურული მემკვიდრეობა იმსახურებს.
შეგახსენებთ რომ მუზეუმში ,,ევროპის მემკვიდრეობის დღეები“ - ის ფარგლებში დაგეგმილი ღონისძიებები გრძელდება და ხვალ 12 დეკემბერს, გელოდებათ ორი განსაკუთრებული ღონისძიება:
12:00 — ფოტოგამოფენა ერეკლე მეორის სასახლის აივანზე გამოიფინება უნიკალური ფოტო-მასალა, რომელიც ასახავს კახეთ-მეფეთა სასახლის ისტორიას — რეაბილიტაციამდე და რეაბილიტაციის შემდგომ. ფოტოები თვალსაჩინოდ გვიჩვენებს, როგორ აღდგა საუკუნეების წინანდელი სიდიადე.
14:00 — საჯარო ლექცია და არქეოლოგიური სივრცის დათვალიერება თემა: „ბატონის ციხის კომპლექსის არქეოლოგიური კვლევა და თელავის ისტორიული მუზეუმის განვითარების პერსპექტივა“
მომხსენებელი : გიორგი მწყერაძე, ისტორიის დოქტორი. იაკობ გოგებაშვილის სახელობის თელავის სახელმწიფო უნივერსიტეტის ლექტორი.
მონაწილეები დაათვალიერებენ მიმდინარე არქეოლოგიურ გათხრებს, გაეცნობიან აღმოჩენილ მასალასა და კვლევის პროცესს.
გელოდებით მუზეუმში — ერთად გავიცნოთ, დავაფასოთ და შევინარჩუნოთ ჩვენი ქალაქის მემკვიდრეობა.