„ევროპული მემკვიდრეობის დღეების“ დასკვნითი ღონისძიება — პრეზენტაცია თემაზე: „ძველი და ახალი თელავის არქიტექტურა“.მომხსენებელი ისტორიის დოქტორი - თენგიზ სიმაშვილი

თელავის ისტორიულ მუზეუმში გაიმართა „ევროპული მემკვიდრეობის დღეების“ დასკვნითი ღონისძიება — პრეზენტაცია თემაზე:

„ძველი და ახალი თელავის არქიტექტურა“.

მომხსენებელი გახლდათ თენგიზ სიმაშვილი, ისტორიის დოქტორი ,იაკობ გოგებაშვილის სახელობის თელავის სახელმწიფო უნივერსიტეტის პროფესორი.

დამსწრე საზოგადოებას შესაძლებლობა ჰქონდა გაცნობოდა თელავის ქუჩებს, ძველ კარებებს, ფასადებსა და ქალაქის არქიტექტურულ მრავალფეროვნებას, წარმოდგენილს მდიდარი ფოტო-მასალით.

 განსაკუთრებული მადლობა გვინდა გადავუხადოთ ბატონ თენგიზს ,,ევროპული მემკვიდრეობის დღეებში" მონაწილეობისთვის და საინტერესო, შინაარსიანი და ძალიან მნიშვნელოვანი პრეზენტაციისთვის.

მოგეხსენებათ , თელავის ისტორიულ მუზეუმში ოთხი დღის განმავლობაში მიმდინარეობდა „ევროპული მემკვიდრეობის დღეები 2025“, რომლის

წლევანდელი თემა გახლდათ - „არქიტექტურული მემკვიდრეობა — ფანჯარა წარსულში, კარი მომავლისკენ“. აღნიშნულმა დღეებმა კიდევ ერთხელ შეგვახსენა, თუ რამდენად მნიშვნელოვანია ისტორიული გარემოს გაცნობა, დაცვა და მომავალი თაობებისთვის შენარჩუნება.

 მადლობას ვუხდით ყველა მონაწილეს, მომხსენებელს, პედაგოგს, მოსწავლესა და დამთვალიერებელს, ვინც ამ დღეებში იყო ჩვენი მუზეუმის ნაწილი.

ერთად შევინარჩუნოთ და გავაცოცხლოთ ჩვენი კულტურული მემკვიდრეობა!